Парламенттеги көпчүлүк коалиция башкы прокурорлукка Өткүрбек Жамшитовдун талапкерлигин жактырды. Коалиция аны толугу менен колдоду. Депутаттар Жамшитовдун пландарын өзү менен суроо-жооп иретинде талкуулашты. Коалицияда КСДП, "Бир Бол", "Кыргызстан" жана "Республика - Ата Журт" фракциялары бар.
Ага чейин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитет талапкерди жактырган.
Жамшитовду бул кызматка президент Сооронбай Жээнбеков сунуш кылды. 25-апрелде анын маселеси Жогорку Кеңештин жалпы жыйынында каралат.
43 жаштагы Өткүрбек Жамшитов Оштун Кара-Суу районунда туулган. 2015-жылдын июлунан бери Жалал-Абад облусунун прокурору болуп иштеп келет.
Мурдагы башкы прокурор Индира Жолдубаева президенттин сунушу менен 11-апрелде кызматынан кеткен. (SE)
