Линктер

шаршемби, 17-октябрь, 2018 Бишкек убактысы 05:52

Армения: Пашинян өлкөнү башкарууга даярдыгын билдирди


Никол Пашинян Осмон султандыгы маалындагы коогалаңда кыргынга кабылган кандаштарын эскерүү иш-чарасында, 24-апрель, 2018-жыл.

Армениянын оппозициялык лидери, 11 күн бою массалык демонстрациялардын башында турган Никол Пашинян эгер андан өтүнүшсө, "өлкөнү башкарууга даярдыгын" билдирди.

“Эгер эл мага жоопкерчилик артса, мен аны алууга даярмын”, - деди оппозициячыл депутат 24-апрелде Еревандагы маалымат жыйынында.

Дүйшөмбүдө 10 жылдан ашуун бийликте туруп, кайра өкмөттүн башына келген Серж Саргсян элдин каарынан улам кызматтан кетүүгө мажбур болду.

25-апрелде Пашинян премьер-министрдин милдетин аткарып жаткан Карен Карапетян менен жолугуп, саясий системадагы кийинки өзгөрүүлөрдү талкуулайт.

Армениянын Конституциясына ылайык өкмөт башчы кызматтан кеткенден кийин парламенттеги фракциялар жети күндүн ичинде жаңы талапкерди көрсөтүшөт. Башкаруучу Республикачылар партиясы Пашиняндын мөөнөтсүз шайлоо өткөрүү планы тууралуу комментарий берген жок.

Сиздин пикир

пикирлерди көрсөт

XS
SM
MD
LG