Линктер

ЧУКУЛ КАБАР!
4-Март, 2021 бейшемби, Бишкек убактысы 19:54

Иран лидери Роухани АКШ президентин сындады


Ирандын президенти Хасан Роухани. 25-апрель, 2018-жыл.

Ирандын президенти Хасан Роухани алты держава менен Тегерандын ортосундагы макулдашуунун укуктук жагы боюнча көз карашын билдирди. Вашингтондо АКШнын президенти Дональд Трамп менен француз лидери Эммануэл Макрон Ирандын өзөктүк программасы боюнча жаңы макулдашууну иштеп чыгуу зарылдыгына токтолушкан.

“Европадагы өлкөнүн лидери менен америкалыктар “жети тарап жетишкен макулдашуунун тагдырын чечкиси келип жатышат” - деди Роухани 25-апрелдеги телекайрылуусунда.

Шейшембиде Трамп Макрон менен Ак үйдө жолукканда Ирандын өзөктүк программасы боюнча 2015-жылкы макулдашуудан кеңири масштабдагы маселелерди камтыган жаңы келишимди сүйлөшүүнү баштоо тууралуу сөз кылышкан.

“Эмне үчүн?”, “Эмне укуктун негизинде?” – деп суроо койду Роухани. Иран лидери ошондой эле Трампты иш билбеген “соодагер” деп атады. “Эл аралык укуктан жана мамилелерден эч түшүнүгү жок. Соодагер, алып сатар, курулушчу эл аралык мамилелерде эмнени билмек эле” – деп сындады.

АКШга үч күндүк сапарга барган Макрон Трамп менен сүйлөшкөндөн кийин “тынчсыздандырган бардык маселелерди камтыган жаңы келишим түзсө” болорун айткан.

Германиянын карнцлери Ангела Меркел дагы ушул апта соңунда Вашингтонго барып, Трамп менен сүйлөшөт.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG