Линктер

ЧУКУЛ КАБАР!
25-Февраль, 2021 бейшемби, Бишкек убактысы 05:13

Милиция: Чогулгандар кылмышка шектүүнү карматпай койду, асманга ок атылды


Иллюстрациялык сүрөт. Жаңылыкка тиешеси жок.

Бишкектеги Ош базарынын жанында, Кулиев жана Пушкин көчөлөрү кесилишкен жерде чогулган эл милиция кызматкерлерине тоскоол болуп, кылмышка шектүүнү карматпай койду. Бул тууралуу Бишкек шаардык ички иштер башкармалыгынын басма сөз катчысы Адыл Оморов "Азаттыкка" билдирди. Анын айтымында, окуя 25-апрелде болгон:

- Саат 17.28 чамасында 102ге Махатма Ганди көчөсү тарапта автоунаадан белгисиз бирөөлөр жарым жылаңач кызды түшүрүп кеткени тууралуу маалымат келген. Андан кийин милициянын ыкчам батальону тиешелүү аракеттерди жүргүзгөн. Кыз милиция кызматкерлерине Кулиев-Пушкин көчөлөрүнүн кесилишинде өзүнө карата кылмыш жасаган деген адамдарды байкап калып, көрсөтүп берген. Милиция териштирүү иштерин жүргүзүп жатканда 20-30дай киши чогулуп, аларды курчап калган. Алардын бири милиция кызматкеринин табелдик куралын алууга да аракеттенген. Милиционер өзүнүн тапанчасы менен эки жолу асманга ок аткан.

Адыл Оморов кошумчалагандай, милиция бул кылмышка шектүүлөрдү кармай элек. Азырынча кылмыш иши козголгон жок. Териштирүү уланууда. Окуя тартылган видео Интернетке да тарады. Шектүүлөр кыз зордуктоо боюнча изделип жатат деген маалымат бар. (NT)

Пикирлерди көрүңүз (25)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG