Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 09:54

"Өгөй кызын зордуктады" деп камалган киши 20 жылга түрмөгө кесилди


Иллюстрациялык сүрөт.

"Өгөй кызын зордуктады" деп айыпталган кишини Ош облустук соту 20 жылга кести. Бул тууралуу облустук соттун басма сөз катчысы Бекзат Осмонкулов "Азаттыкка" билдирди.

Маалым болгондой, 2018-жылдын 27-февралында Өзгөн райондук соту кыздын өгөй атасын күнөөлүү деп таап, 15 жылга эркинен ажыраткан. Бирок айыпталуучу сотто күнөөсүн мойнуна алган эмес. Жабыркаган кыздын жакындары бул чечимге нааразы болуп Ош облустук сотуна апелляциялык арыз менен кайрылган. Алар облустук соттон айыпталуучуну өмүр бою абакка кесүүнү өтүнүшкөн.

Соттун чечимине ылайык, айыпталуучу жазасын күчөтүлгөн тартиптеги абакта өтөмөй болду.

Кыздын жакындарынын сөзү боюнча, 16 жаштагы кызды өгөй атасы мурда эле зордуктап жүргөн. Бул тууралуу секелектин боюна бүтүп, былтыр күзүндө төрөгөндөн кийин белгилүү болгон. Жабырланган кыз учурда таенесинин колунда тарбияланып жатат. Ал эми секелек төрөгөн ымыркай балдар үйүнө тапшырылган. (ErN)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG