Линктер

дүйшөмбү, 22-октябрь, 2018 Бишкек убактысы 00:37

Бишкектин дүң өнүмү алты жылда эки эсе арбыды


Бишкек шаарынын 140-жылдыгын майрамдоо. 29-апрель, 2018-жыл.

Бишкек шаарынын ички дүң өнүмү көлөмү соңку алты жылдын ичинде дээрлик эки эсе көбөйдү. Бул көрсөткүч 2011-жылы 96 млрд. сомду түзсө, 2017-жылдын жыйынтыгы боюнча 182 млрд. сомго жетти. Бул тууралуу өкмөттүн аппараты тараткан маалыматта айтылат.

Натыйжада өлкөнүн жалпы ИДӨсүнө карата шаардын салыштырма салмагы 36,8% түздү.

Бишкек шаарында 1 млн.169 миң жаран расмий каттоодо турат. Шаардын аянты 170 чарчы километрге барабар. Шаардын жылдык бюджети 6 млрд. сомдун тегерегинде.

Буга чейин финансы министринин орун басары, Борбордук казыналыктын башчысы Алмаз Бакетаев бүткүл өлкөнүн 2018-жылга карата ички дүң өнүмүнүн көбөйүшү пландалгандан артка кеткенин билдирген. Ал быйыл өсүш көлөмү 3,7% болот деп болжолдонуп, бирок 2,8% өсөт деп эсептелгенин айткан. Бакетаев мунун себебин азыр да уланып жаткан дүйнөлүк каржы кризиси менен байланыштырган.

Кыргызстандын 2018-жылкы бюджетинин кирешеси 140,8 млрд. сомго жетет деп мерчемделген, ал эми чыгаша 161,1 млрд. сом деп каралган. Натыйжада тартыштык 20,3 миллиард сомду түзөт. (ErN)

Сиздин пикир

пикирлерди көрсөт

XS
SM
MD
LG