Линктер

ЧУКУЛ КАБАР!
7-Март, 2021 жекшемби, Бишкек убактысы 21:34

Сузакта жер дагы көчүп, сайды тосуп калды (видео)


Жер көчкүнүн бүгүнкү көрүнүшү.

Жалал-Абад облусунун Сузак районунда жер көчкү кайрадан козголуп, сүрүлүп түшүп, кайрадан Көк-Арт дарыясынын нугун бөгөп калды. Бул тууралуу Өзгөчө кырдаалдар министрлигинин басма сөз кызматы билдирди.

Учурда топтолгон суу (болжол менен 1 млн. 200 миң м3) жер көчкүнү жиреп, акырындык менен өз нугу боюнча агып жатат.

Жеринде ӨКМдин Жалал-Абад облусу боюнча башкармалыгынын ыкчам тобу абалды көзөмөлдөп турат.

29-апрелде Сузак районунун Сары-Булак айылындагы Көк-Арт дарыясынын сол жээгинде жер көчкү түшүп, сууну бөгөп калган. Натыйжада Сузактын Курманбек айыл аймагынын дарыя боюндагы айылдарын жана Жалал-Абад шаарын суу каптоо коркунучу келип чыккан. ​Буга байланыштуу ошол эле күнү Сузак району менен Жалал-Абад шаарына өзгөчө кырдаал режими киргизилип, эртеси бул режим кайра алынган.

30-апрелде өзгөчө кырдаалдар министри Нурболот Мырзахметов Сузакта түшкөн жер көчкүдөн кабар алып, маселени чечүүнүн жолдорун кеңешип жатканы айтылган. (ErN)​

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG