Линктер

жума, 25-май, 2018 Бишкек убактысы 05:28

Бангладештин борбору Дакка шаарында Ислам кызматташтыгы уюмунун (ИКУ) тышкы иштер министрлер кеңешинин 45-сессиясы өтүүдө. Бул тууралуу Кыргызстандын Тышкы иштер министрлигинен кабарлашты.

5-майда башталган жыйынга Кыргызстандан ТИМдин статс-катчысы Айбек Омокеев баштаган делегация катышууда. Бул сессияда тынчтык, биримдик жана туруктуу өнүгүү үчүн ислам баалуулуктарын илгерилетүү жана жайылтуу маселелери талкууланууда. Күн тартибинде ИКУга мүчө-мамлекеттердин саясий, экономикалык, маданий-гуманитардык, илимий-техникалык кызматташтыгы турат. Мындан сырткары сессияда Жакынкы Чыгыштагы жана Ооганстандагы аскердик-саясий абал, терроризм жана экстремизм менен күрөшүү маселелери талкууланууда.

Кыргыз делегациясынын жетекчиси жыйында пленардык билдирүү жасап, башка өлкөлөрдүн делегацияларынын башчылары менен жолугушуу пландалган. (ErN)

Сиздин пикир

пикирлерди көрсөт

XS
SM
MD
LG