Пакистандын түштүк-батышындагы көмүр кенинде болгон кырсыктан 23 кенчи набыт болуп, 11 адам жарадар болгонун бийлик өкүлдөрү билдиришти.
Пакистандын Өзгөчө кырдаалдар министрлигинин өкүлү Аттауллах Хан 5-майда Балужистан провинциясындагы Марвар көмүр кенинде жарылуу болгонун маалымдады.
Аталган шахта Балужистандын борбору Куеттага 60 чакырым алыс жайгашкан.
Өлкөдөгү көмүр шахталарынын дээрлик бардыгы менчик компанияларга таандык. (BCh)