Ысык-Көлдөгү “Аврора” санаторийинде 13 киши тамактан ууланды. Бул тууралуу “Азатыкка” Саламаттык сактоо министрлигинин басма сөз кызматы билдирди.
Уулангандардын арасында чет элдик спортчулар – Ирандын бир жараны жана Бириккен Араб Эмираттарынын алты жараны бар экени айтылды.
Маалым болгондой, алар 7-май күнү Чолпон-Ата аймактык ооруканасына жаткырылган. Дарыгерлердин айтымында, учурда алардын абалы канааттандыраарлык. Бейтаптар бир сыйра дарыланган. "Алар ооруканадан бүгүн кечке чейин чыгарылат" деп кабарланды.
Алар жеген тамак-аштан анализ алынган, анын жыйынтыгы эки-үч күндөн кийин белгилүү болот. (ErN)