Синоптиктердин маалыматына караганда, ушул күндөрү өлкө аймагында жаан-чачын көп болот. Алар бийик тоолуу райондорго кар түшөрүн маалымдашты. Чүй, Баткен, Ош, Жалал-Абад облустарынын дыйканчылык аймактарында, Ысык-Көлдүн чыгыш тарабында нөшөр болот. Мындай туруксуз аба ырайы 17-майга чейин созулат. Дарыяларда суунун деңгээли көтөрүлөт.
15-майда көпчүлүк аймактарда жаан жаайт. Батыштан соккон шамалдын ылдамдыгы секундасына 4-9 метри түзөт, Нарын облусунда жана Ысык-Көл ойдуңунда 20 метрге жетет.
Абанын температурасы:
Чүй өрөөнүндө түнкүсүн 5...10, күндүз 17...22,
Талас жергесинде түнкүсүн 4...9, күндүз 16...21,
Ош, Баткен, Жалал-Абад дубандарында түнкүсүн 8...13, күндүз 19...24,
Нарын облусунда түнкүсүн 2...7, күндүз 13...18,
Ысык-Көл аймагында түнкүсүн 3...8, күндүз 14...19,
Бийик тоолуу райондордо түнкүсүн 0...-5, күндүз 2...7 градус болот.
Бишкек шаарында жаан-чачын күтүлбөйт. Абанын температурасы түнкүсүн 8...10, күндүз 20...22 болот.