Линктер

ЧУКУЛ КАБАР!
3-Март, 2021 шаршемби, Бишкек убактысы 12:00

Украина КМШ органдарындагы өкүлдөрүн чакыртып алды


Петр Порошенко

Украинанын президенти Петр Порошенко Көз карандысыз мамлекеттердин шериктештигинин (КМШ) органдарындагы өз өлкөсүнүн өкүлдөрүн чакыртып алуу тууралуу буйрукка кол койгонун билдирди.

“Ал жакта биз жасай турган иш калган жок – биз Европаны көздөй жылабыз”,-деди Порошенко өлкөнүн Винница шаарында чыгып сөз сүйлөп жатып.

КМШнын органдарындагы өкүлдөрүн чакыртып алуу жана бул уюмдун алкагындагы эл аралык макулдашуулардан чыгуу жөнүндөгү чечимдерди буга чейин Украинанын Улуттук коопсуздук жана коргонуу боюнча кеңеши кабыл алган болчу.

Украина мурдагы СССРден тараган 12 өлкөнүн катарында алгачкылардан болуп КМШ уюмун түзгөндөрдөн болгон. Киев формалдуу түрдө КМШнын жобосун ратификация кылбаганы менен уюмдун ишмердүүлүгүнө толук катышып келген. 2014-жылы Орусия Крымды аннексиялангандан кийин жана Донбасста куралдуу кагылышууну баштагандан кийин Украина КМШ уюмунун иш-чараларына катышуусун токтоткон. Акыркы жылдары КМШ мамлекеттеринин лидерлеринин жолугушуусунда Украина элчинин деңгээлинде чыгып келген. (ErN)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG