Сапар Исаков акыркы алты жылда Кытайга төрт эле жолу барган. Бул тууралуу КСДП партиясы тараткан маалыматта айтылат.
Бишкектеги ЖЭБди модернизациялоону жана ага кеткен 386 миллион доллардын чоо-жайын иликтеген парламенттик комиссиянын корутундусун угуу учурунда Жогорку Кеңештин айрым депутаттары мурдагы премьер-министр Сапар Исаков Кытайга 46 жолу барганын айтса, башкалары "ал 16 жолу барган" деп айтып чыгышкан.
Буга байланыштуу бүгүн 21-майда КСДП партиясы маалымат таратып, анда Сапар Исаков акыркы алты жылда Кытай өлкөсүнө болгону төрт эле жолу барганын билдирди. Исаков бул өлкөгө расмий делегациялардын курамында гана барганын жана ЖЭБди модернизациялоо боюнча барбаганын ишара кылды. (KR)
