Линктер

ЧУКУЛ КАБАР!
4-Март, 2021 бейшемби, Бишкек убактысы 16:01

Жарандык активисттер судья Воронцованы ишин тапшырууга чакырышууда


Ирина Воронцова Жогорку соттун судьялыгына талапкерлиги каралып жаткан учурда. 23-май, 2018-жыл.

Социалдык тармактарда жарыяланган кайрылууда жарандык активисттер 23-майда парламент Жогорку соттун судьялыгына өткөрбөй койгон талапкерлердин бири Ирина Воронцованы мөөнөтүнөн мурда кызматын тапшырып берүүгө чакырышты. Кайрылуу ээлери "Воронцова бийликтин камчысын чаап, буйругун аткарган сот катары өзүн көрсөттү, мындан ары сотто иштөөгө моралдык укугу жок" деп белгилешкен.

Ирина Воронцованын Жогорку соттун судьялыгына талапкерлигин президент колдогон. Бирок 23-майда Жогорку Кеңештеги 91 депутат анын талапкерлигине каршы добуш берген. Ирина Воронцова коомчулукка мурунку башкы прокурор Аида Салянованын сотунда соттук коллегияга төрагалык кылганы менен таанылган. Сот жараяны учурунда Салянованын адвокаттары бир нече жолу ага ишенбестик көрсөтүп, бирок алардын бардык өтүнүчтөрү четке кагылган. Ал Бишкек шаарынын мурунку мэри Нариман Түлеевдин, "Ата Журт" партиясынын лидери Камчыбек Ташиевдин сот иштерин кароого да катышкан.

Ирина Воронцова учурда Бишкек шаардык сотунун төрайымы. (ZKo)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG