Оңдоо иштерине байланыштуу Ош шаарынын Ибраимов, Сүйүнбаев, Алиев, Ленин көчөлөрүндө жаратылыш газы убактылуу токтотулду. Бул тууралуу “Газпром Кыргызстан” компаниясы кабарлады.
Газ 2-июндан тартып бериле баштайт. Оңдоо иштери "көгүлтүр отунду" үзгүлтүксүз берип туруш үчүн жасалууда.
2014-жылы Кыргызстандын “Кыргызгаз” ишканасы Оруcиянын “Газпром” ишканасына сатылып, “Газпром-Кыргызстан” ишканасы түзүлгөн. Натыйжада "Ошгаз" ишканасы да "Газпромго" өткөн. (ErN)
