Линктер

жума, 19-октябрь, 2018 Бишкек убактысы 10:51

Москва соту Навальныйдын басма сөз катчысын камакта калтырды


Алексей Навальный жана анын жактоочулары.

Москва шаардык соту бейшембиде орусиялык оппозициячы Алексей Навальныйдын басма сөз катчысы Кира Ярмышты 25 күнгө камаган райондук соттун чечимин өзгөртүүсүз калтырды.

Сот бүгүн дагы эки активисттин - Навальныйдын штабынын координатору Николай Ляскиндин жана "Навальный Live" аттуу "YouTube" каналынын алып баруучусу Руслан Шаведдиновдун ишин карайт.

Ляскин 15 күнгө, ал эми Шаведдинов 30 күнгө камалган. Алардын баарын сот 5-майдагы уруксат берилбеген митингди уюштурганы үчүн күнөөлүү деп таап, административдик жазага тарткан.

41 жаштагы оппозиционер Алексей Навальный Орусиянын президенти Владимир Путиндин 7-майдагы инаугурациясынын алдында элди «Ал бизге падыша эмес» деген акцияга чыгууга чакырган. 5-майда 26 шаарда өткөн ал нааразылык жүрүштөрүндө жалпысынан 1600дөй адам, анын ичинде Алексей Навальный да кармалган. Кийин сот оппозиционердин өзүн да 30 күнгө камоо тууралуу чечим чыгарган.

XS
SM
MD
LG