Алматыда 1-июнда менингококк вирусунан беш жаштагы бала көз жумду. Бул тууралуу казак маалымат агенттиктери Коомдук саламаттыкты сактоо департаментине таянып кабарлашты.
Расмий маалыматка ылайык, Казакстанда ушул дарт эки баланын өмүрүн алды. Жыл башынан бери ооруга чалдыккан 52 учур катталды. Анын көбү Алматыда.
Менингококк инфекциясы курч жугуштуу оору экенин, аба аркылуу да жугарын медиктер эскертишет. Оору майыптыкка алып келиши же өлүм менен аякташы мүмкүн.
