Бишкектеги балдардын тез жардам ооруканасына жылына 190 миң бала кайрылып, алардын 20 миңи жатып дарыланат. Бул оорукана 420 орундуу, реанимация бөлүмүндө 20 палата бар.
Оорукананын башкы дарыгери Талант Өмүрбековдун айтымында, акыркы убакта тубаса кемтик менен төрөлгөндөр жана жол кырсыгынан жаракат алган балдар көбөйүүдө.
Жайкысын тери оорулары, ички органдардын жугуштуу илдеттери арбыйт. Күн сайын бул ооруканада 18 дарыгер нөөмөттө турат. (BCh)
