12-июнда Өзбекстандын коргоо министри Абдусалом Азизов Кыргызстандын Куралдуу күчтөрүнүн Башкы штабынын төрагасы Райымберди Дүйшөнбиев баштаган аскердик делегацияны кабыл алды.
Өзбекстандын маалымат каражаттары кабарлагандай, жолугушуунун жүрүшүндө коргонуу тармагындагы кыргыз-өзбек кызматташтыгы талкууланып, аскердик багытта байланыштарды бекемдөө боюнча пикир алмашуу болду. Андан тышкары тараптар Борбор Азия аймагында коопсуздукту камсыз кылуу маселесине көңүл бурушту.
Жолугушуунун соңунда 2018-жыл үчүн эки өлкөнүн коргонуу мекемелеринин ортосундагы кызматташтык планына кол коюлду.