Жогорку Кеңештин “Республика - Ата Журт” фракциясы депутат Акылбек Жамангуловдун талапкерлигин Энергетика, өнөр жайы жана кен иштетүү боюнча мамлекеттик комитеттин төрагалыгына сунуш кылды.
Бул маалыматты ушул фракциянын өкүлү Таабалды Тиллаев “Азаттыкка” ырастады. Анын айтымында, фракциянын чечими премьер-министр Мухаммедкалый Абылгазиевге жөнөтүлдү.
Акылбек Жамангулов Бишкек Жылуулук электр борборундагы (ЖЭБ) кырсыктын себептерин жана аны оңдоп-түзөөгө кеткен каражаттын пайдаланышын иликтеген депутаттык комиссиянын мүчөсү болгон. (КЕ)
