Линктер

жекшемби, 24-июнь, 2018 Бишкек убактысы 13:05

Грузияда өкмөт башчы Георгий Квирикашвили кызматтан кетти


Грузиянын кызматтан кетип жаткан премьер-министри Георгий Квирикашвили, 26-май, 2018-жыл.

Грузиянын премьер-министри Георгий Квирикашвили өзү жетектеген кабинет менен чогуу кызматтан кетти. Ал миллиардер Бидзина Иванишвилинин бийликтеги «Грузин кыялы» партиясы менен «кескин пикир келишпестиктен» улам ушундай чечимге келгенин түшүндүрдү.

13-июнда Квирикашвили атайын маалымат жыйын өткөрдү. 50 жаштагы Квирикашвили грузин өкмөтүн 2015-жылдан бери жетектеп келди.

31-майда Тбилисиде нааразылык митингдери башталды. Буга былтыр декабрда киши колдуу болгон эки өспүрүмдүн өлүмүн иликтөөдө укук коргоо органдарындагы мыйзам бузуулар түрткү болгон. Митингдер 6-июнда токтоп, бирок полиция демонстранттардын чатырларын чечип, оппозициялык саясатчылар менен алардын талапкерлерин кармай баштаганда 10-11-июнда кайра жанданган.

Квирикашвилинин кабинети жаңы өкмөт куралгыча убактылуу иштеп турат. Грузиянын президенти жети күн ичинде өкмөт башчыга талапкерди көрсөтүп, аны парламенттик көпчүлүк колдошу керек.

Сиздин пикир

пикирлерди көрсөт

XS
SM
MD
LG