Ысык-Көл облусунун Тоң районуна караштуу Ак-Сай айылында сел суусу 32 турак үйдү каптап кетти. Бул тууралуу бүгүн “Азаттык” радиосуа Өзгөчө кырдаалдар министрлигинин басма сөз кызматы кабарлады.
Жума күнү кечке маал жааган нөшөр жаандан кийин Көк-Сай айылында 5,5 гектар айдоо жерди, Тогуз-Булак айылында 40 метр ички жолду сел каптады. Ак-Сайда төрт жерде суунун агымы дамбаларды жууп кетти.
Учурда жаратылыш кырсыгынын кесепеттерин жоюу иштери жүрүп жатат.
Селге байланыштуу 15-июнда Баткенде үч районго өзгөчө кырдаал режими киргизилген. (RK)