Украинанын борбор шаары Киевде ЛГБТ уюмдары бүгүн "Киев Прайд - 2018" маршын өткөрүштү.
Уюштуруучулар “Теңдик маршы” деп атаган иш-чарада “Биздин позиция – эркиндик!”, “Адам укугу – баарынан жогору турат” деген ураандар айтылды.
Акцияга болжол менен эки миңдей адам катышканы айтылды. Аларды ошончо эле полиция жана улуттук гвардиячы кайтарып турду.
Ага чейин радикал уюмдар бул иш-чараны үзгүлтүккө учуратарын айтып чыгышкан. Марш аяктагандан кийин анын катышуучулары "Рахмат, полиция! Рахмат, Киев!" деген ураандарын айтышты. (RK)
