Улуттук банктын расмий сайтына жарыяланган маалыматка ылайык, 2018-жылдын алгачкы төрт айында Кыргызстанга чет жактан которулган каражаттын көлөмү 700,5 миллион АКШ долларын түзгөн.
Анын басымдуу бөлүгү Орусиядан жана Казакстандан келген. Ошол эле аралыкта Кыргызстандан тышка которулган каражаттын көлөмү 150,1 миллион долларды түзгөн. Анын басымдуу бөлүгү Орусияга кеткен.
Былтыркыга салыштырмалуу Кыргызстанга быйыл көбүрөөк каражат которулган. (KR)
