Кечээ саат 19:20 чамасында Өзгөчө кырдаалдар министрлигинин (ӨКМ) Ош шаардык башкармалыгына калаадагы Достук кичи районунда бала сууга агып кеткени тууралуу маалымат түшкөн. Бул тууралуу "Азаттыкка" министрликтин басма сөз өкүлү Абдушарип Бекилов кабарлады.
Өзгөчө кырдаалдар министрлигинин Куткаруу кызматынын куткаруучулары окуя болгон жерге барып, каналга чөгүп кеткен бир жашар наристенин сөөгүн алып чыгып, туугандарына өткөрүп беришкен. (KR)
