Ооганстандын батышында "Талибан" кыймылынын жоочулары бир нече чабуулдардын натыйжасында 30дан ашык аскер кызматкерин мерт кылышты.
Бадгис провинциясындагы кол салууну ал жердин губернатору жана талибдер өздөрү ырастады. Бул провинциядагы чабуулдан 11 аскер өлүп, тогузу жарадар болду.
Бул - "Талибан" өкмөт менен утурумдук элдешүүнү токтоткондон кийинки алгачкы чоң чабуул.
Ооган өкмөтү Айт майрамынын алдында башталган утурумдук элдешүүнүн убактысын он күнгө узартканы менен "Талибан" аны 17-июндун түнүнөн тартып токтотуп койгон. (ErN)
