Линктер

ЧУКУЛ КАБАР!
7-Март, 2021 жекшемби, Бишкек убактысы 18:01

Президент Жээнбеков электрондук башкарууга өтүүнү тездетүүнү тапшырды


Президент Сооронбай Жээнбеков мамлекеттик органдардагы санариптик башкаруу боюнча жыйын өткөрдү. Бул тууралуу президенттин маалымат кызматынан кабарлашты. Анда Жээнбеков электрондук башкарууга өтүү коррупцияга каршы күрөштүн негизги бөлүгү экенин белгилеп, аны тездетүүгө тапшырма берген.

Жыйынга катышкан биринчи вице-премьер-министр Кубатбек Боронов "Түндүк" системасынын «Коопсуз шаар» долбоорун ишке ашыруунун жүрүшү боюнча маалымат берди.

Боронов учурда «Түндүк» системасынын негизинде электрондук башкарууга 14 мамлекеттик орган кошулганын жана беш мамлекеттик органдын ортосунда өз ара маалымат алмашуу жүрүп жатканын кабарлады. Вице-премьер учурда "Коопсуз шаар" долбоорун ишке киргизүүгө даярдык жүрүп жатканы боюнча маалымат берген.

Жээнбеков электрондук башкаруунун так мөөнөтү аныкталып, ар бир мамлекеттик органга баа берилерин эскертти.

Кыргызстанда мамлекеттик органдардагы электрондук кызмат көрсөтүүгө өтүү боюнча демилгелер көп жылдан бери айтылып келет. Буга чейинки өкмөт “Таза коом” аттуу программа жарыялап, анын алкагында электрондоштуруу иштерин уюштурууну убада кылган.(BkA)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG