Бишкектин четиндеги “Супара” этнокомплексинде эл аралык “Кыргызстан Туризм Экспо” жармаңкеси өтүп жатат.
Ага чет өлкөлүк элчиликтер, туризм агенттиктери, жергиликтүү ишкерлер катышууда.
“Битревл” компаниясы уюштурган бул иш-чара Кыргызстандын туризм дараметин көтөрүүгө багытталган. Анда Жапония, Өзбекстан, Түркия, Германия сыяктуу өлкөлөрдүн стенддери коюлуп, туристтик мүмкүнчүлүктөр тууралуу маалымат берилди.
Азыркы тапта туризмден түшкөн каражат өлкө экономикасынын беш пайызын түзөт. (BCh)
