Линктер

ЧУКУЛ КАБАР!
27-Октябрь, 2021 шаршемби, Бишкек убактысы 18:46

Айсулуу Тыныбекова China Open мелдешинде коло байге алды


Кыргызстандык күрөшчү кыз Айсулуу Тыныбекова кыз-келиндердин эркин күрөшү боюнча өткөн China Open мелдешинде коло байге алды.

Биргелешкен күрөш дүйнөсү ( United World Wrestling) уюмунун расмий сайтындагы маалыматка таянсак, таймаштар 22-23-июнь күндөрү Кытайдын Тайюань шаарында өтүп жатат. Байгелер 10 салмак категориясында ойнотулуп жатат.

Мелдештин биринчи күнүндө эки кыргызстандык килемге чыкты. 55 килограммга чейинки салмакта Назира Марсбек кызы алгачкы беттешинде атаандашына жеңилип, мелдештен четтеди.

59 килограмм салмак категориясында Айсулуу Тыныбекова жарым чейрек финалда жапониялык Юзура Куманого жеңилип калды. Жапон күрөшчү кызы финалга чыккандыктан Тыныбековага коло байге үчүн күрөшкө жол ачылып, бул таймашта кытайлык Юан Вангды жеңип (11:0), коло байге алды.

23-июнда кыргызстандык Мээрим Жуманазарова 68 килограммга чейинки салмакта килемге чыгып, айлампа тартибинде өткөн эки беттеште Кытайдын өкүлдөрүнө жеңилип, байгесиз калды. (ECh)

Пикирлерди көрүңүз (12)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG