Линктер

шаршемби, 18-июль, 2018 Бишкек убактысы 17:03

Түркияда добуш берүү расмий аяктап, шайлоо бекеттери жабылды


Добуштарды саноо башталган учур. Стамбул, 24-июнь, 2018-жыл.

Жүз сексен миңдей шайлоо бекети 24-июнда жергиликтүү убакыт боюнча саат сегизден тарта ачылган жана кечки саат беште жабылды.

Өлкөдө катталган шайлоочулардын саны быйыл 56 миллион адамдын тегерегинде. Бүгүнкү парламенттик шайлоо мыйзамда мерчемделгенден жарым жыл, ал эми президенттиги бир жыл эрте өттү.

Рейтер агенттиги кабарлагандай, президент Режеп Тайип Эрдогандын башкы атаандашы, оппозициядагы Республикалык -элдик партиянын талапкери Мухаррем Инже шайлоо бекеттери жабылгандан кийин добуш берүүнүн жыйынтыгы “абдан жакшы” болоруна ишенерин айтты.

Инже ошондой эле Түркиянын жарандары шайлоо үкөктөрүн АК партиянын ( "Адилеттүүлүк жана өнүгүү" партиясы) ыктымал бурмалоолорунан коргоосу, шайлоо комиссиялары ишин "туура жол менен жүргүзүүсү" керектигин да белгиледи.

Президент Эрдоган болсо Стамбулда добуш бергенден кийин бүгүнкү шайлоо менен Түркия "демократиялык ыңкылапты" ишке ашырып жатканына токтолгон.

Түркиянын тарыхында президентти эл түз шайлаган экинчи шайлоодо Режеп Тайип Эрдоганга беш саясатчы атаандаш болду.

Коомдук пикирди сурамжылоонун добуш берүү алдындагы жыйынтыктары президенттик шайлоо экинчи айлампага өтүшү мүмкүндүгүн, ал эми Эрдогандын “Адилеттүүлүк жана Өнүгүү” партиясы ( АК партия) он алты жылдан кийин парламенттик көпчүлүктү жоготуп коюшу ыктымалдыгын көргөзгөн. Шайлоонун баштапкы жыйынтыктары эми алдыдагы сааттарда белгилүү боло баштайт. (UE)

Түркиядагы добуш берүү. Сүрөт баян

Сиздин пикир

пикирлерди көрсөт

XS
SM
MD
LG