Жаза аткаруу мамлекеттик кызматы (ЖАМК) казакстандык блогер Муратбек Тунгышбаевди экстрадициялоого иши бир айга созулушу мүмкүн экенин маалымдады. Бул тууралуу мекеменин басма сөз катчысы Элеонора Сабатарова “Азаттыкка” мындай деди:
- Экстрадициялоонун шарттары көп, 1-2 күндө эле жиберилбейт. Азыр бизде эле. Эки тарап кат алышып, макулдашкандан кийин ишке ашат. Өткөрүп берүү боюнча так күн айтылбайт.
25-июнда Бишкектин Октябрь райондук соту казакстандык активист жана блогер Муратбек Тынгышбаевди экстрадициялоо боюнча Башкы прокуратуранын чечимин колдогон. Муратбек Тунгышбаев казак бийлигинин өтүнүчү менен 10-майда Бишкекте кармалган. Ал ушул тапта Бишкектеги №1 тергөө абагында отурат. Жергиликтүү укук коргоочулар активисттин өткөрүп берилишине каршы болуп жатышат. (TSh)
