Сокулукта "жалпысынан алты миллион сом уурдады" деп шек саналган эки адам кармалды.
Чүй милициясынын маалыматына караганда, Селекционное айылынын тургуну быйыл май айында күндүз үйүнө ууру кирип, 120 миң сомун, баалуу буюмдарын алып кеткенин айтып ички ишке органына кайрылган.
Көп өтпөй ушул эле айылдын тургуну 48 500 долларын, 2 330 000 сомун жана алтын буюмдарын уурдатканын айтып арызданган.
Милиция бул кылмыштарга айыптуу катары Кара-Балта шаарынын мурда соттолгон бир тургунун жана дагы бир адамды кармады. Алардын үйүн тинтигенде ири суммада акча жана курал табылган. (RK)
