Линктер

ЧУКУЛ КАБАР!
4-Март, 2021 бейшемби, Бишкек убактысы 15:21

Талас: Шаардык кеңештин депутаттары "мэр отчет бербей жатат" деп нааразы


Талас шаары.

Талас шаардык кеңешинин депутаттары мэр Айдарбек Жузупбеков бир жылдан ашык убактан бери "отчет бере элек" деп нааразы болуп жатышат. Бул тууралуу “Азаттыкка” шаардык кеңештин бир катар депутаттары билдиришти.

Маалыматка караганда, мэр 25-июнда шаардык кеңешке чакырылып, бирок келген эмес. Депутаттар муну менен "Жергиликтүү өз алдынча башкаруу жөнүндө" мыйзам бузулуп жатканын айтышууда.

Аталган мыйзамдын 44-беренесине ылайык, мэр жарым жылда кеминде бир жолу аткарылган иштер, бюджет, муниципалдык менчиктин жана бюджеттен тышкаркы фонддун каражаттарынын сарпталышы, социалдык-экономикалык өнүктүрүү, консультациялык-укуктук жардамдар, калкты социалдык жактан коргоо программалары тууралуу жергиликтүү депутаттарга отчет берүүгө тийиш.

Шаардык кеңештин депутаттарынын нааразылыгы тууралуу мэр комментарий бере элек.

Айдарбек Жузупбеков Талас шаарынын мэринин кызматына 2017-жылы мартта шайланган. (AlS)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG