Линктер

бейшемби, 13-декабрь, 2018 Бишкек убактысы 22:48

Мискенбаев: мага карата саясий өч алуу болуп жатат


Мээрбек Мискенбаев.

Жогорку Кеңештин мурдагы депутаты Мээрбек Мискенбаев өзүнө карата козголгон кылмыш ишти азыркы бийликтин "саясий өч алуусу" деп баалады. Бул тууралуу ал "Азаттык" радиосуна билдирди:

- Президенттин иниси Асылбек Жээнбековду депутаттык мандатын тапшыруусун талап кылганым үчүн менден өч алып жатышат. Тергөөгө барууга даярмын, эч жакка качпайм. Байлыгым да жок.

Мискенбаев "Айкөл Ала-Тоо" коомдук бирикмесинин жетекчилигинен жана "Мегаком" компаниясындагы кеңешчи кызматынан быйыл апрелде кеткенин кошумчалады. Азыр "Айкөл Ала-Тоону" Амантур Жамгырчиев башкарууда.

Быйыл мартта Мискенбаев президент Сооронбай Жээнбековго кайрылып, иниси, парламент депутаты Асылбек Жээнбеков мандатын тапшыруусу керектигин билдирген эле. Муну ал "үй-бүлөлүк башкарууга жол бербөө" аракети деп сыпаттаган. Асылбек Жээнбеков муну чагымга теңеп, мандатын тапшырууну же калтырууну эл чечерин айткан.

29-июнда Экономикалык кылмыштарга каршы күрөш кызматы "Айкөл Ала-Тоо" коомдук бирикмесинин жетекчилигине карата Кылмыш-жаза кодексинин 166-беренеси ("Алдамчылык") боюнча кылмыш ишин козголгонун маалымдаган.

Алар апрель окуясынын катышуучуларын социалдык колдоо үчүн 2,1 миллиондон ашык сомго бааланган көмүрдү өөнөгөн деп айыпталууда. «Айкөл Ала-Тоо» коомдук бирикмесин 2010-жылы 7-апрелде борбордук аянтта жарадар болгон жарандар түзгөн. ​Аны Кыргызстандын социал-демократиялык партиясынан (КСДП) парламентке депутат болуп, былтыр мандатын тапшырган Мээрбек Мискенбаев жетектеп жүргөн.

Быйыл апрелде “Айкөл Ала-Тоо” коомунан 78 киши бөлүнүп чыгып, өз алдынча “Айкөл таза коом” уюмун уюштурган.​ (SE)

Сиздин пикир

пикирлерди көрсөт

XS
SM
MD
LG