Линктер

ЧУКУЛ КАБАР!
3-Март, 2021 шаршемби, Бишкек убактысы 11:50

Түркмөн президентинин тулпары Гиннес китебине кирди


"Акхан" аргымагы.

Түркмөнстандын президенти Гурбангулы Бердымухаммедовдун аргымагы Гиннестин рекорддор китебине кирди.

Түркмөнстандын расмий маалымат каражаттары жазып чыккандай, президенттин ахалтекин тукумундагы "Акхан" аттуу тулпары 10 метр аралыкты 4,19 секундда басып өтүп, жаңы рекорд жаратты.​

Маалыматта бул рекорд "саяпкерликти өнүктүрүү жана аны дүйнөлүк деңгээлге чыгаруу боюнча президент Гурбангулы Бердымухамедов жигердүү иштеп жатканын далилдегени" айтылат.

Ахалтекин аргымактары Түркмөнстандын улуттук сыймыгы болуп эсептелет. Жылкы чарбачылыгын президент өзү көзөмөлдөйт. Ал аргымактар тууралуу бир нече китеп жазып, өзү да ат чабыштарга катышып жүрөт. Мындан тышкары ар кайсы тармактарда өзүн сынаганы тартылган тасмалары менен дүйнө коомчулугунда түрдүү пикирлерди жаратканы белгилүү.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG