Азербайжандын бир нече аймактары, анын ичинде башкалаа Бакы бүгүн түндө электр жарыгысыз калды. Маалыматтарга караганда, Мингечевир шаарындагы жылуулук станциясында жарылуу болгон. Бийлик өкүлдөрү электр энергиясын калыбына келтирүү иши жүрүп жатканын маалымдашты. Жарылуудан эч ким жабыркаган жок.
Президенттин кеңсеси билдиргендей, кырсыкка ысык аба ырайы себеп болгон. Абанын температурасы 45 градуска жетип, кондиционерлерди колдонуу көбөйгөн, муну менен станцияга күч келген. Синоптиктер бүгүн-эртең аба ысык болоорун, 5-июлдан тартып бир аз төмөндөөрүн маалымдашты.
