Бишкекте велосипед айдоочулар үчүн өзүнчө жол тилкеси ачылат. Бул тууралуу бүгүн баш калаанын мэриясы кабарлады.
Борбор шаардын архитектура башкармалыгы иштеп чыккан бул долбоор, мэриянын маалыматына караганда, “жакын арада” ишке ашырылат.
Манас жана Чыңгыз Айтматов атындагы проспекттерди бойлой өтө турган веложол Жибек Жолунан башталат жана ар бир тарабы тогуз чакырымдан болот.
Буга чейин шаардын түштүк четиндеги эс алуу багында велотрек ачылган. (RK)
