“Чыңгыз-Ордо” музей-комплексинин башкы ордосу Бишкекте болот. Бул тууралуу бүгүн Таласта журналисттердин суроолоруна жооп берип жатып маданият, маалымат жана туризм министри Султан Жумагулов билдирди.
Бүгүн Таластын Шекер айылына мамлекет башчысы Сооронбай Жээнбеков барып, “Чыңгыз-Ордо” долбоору менен жеринен таанышты.
Таласта курула турган комплекс 15 гектар жерди ээлейт. Анда улуу жазуучунун айкели коюлуп, парк, аллея ачылат жана белгилүү чыгармалардын каармандарынын эстелиги орнотулат. Бул иштерди ноябрга чейин аяктоо пландалууда.
Мамлекет башчы Сооронбай Жээнбеков долбоордун ишке ашырылышын өзүнүн жеке көзөмөлүнө аларын айтты. (AlS)
