Линктер

ЧУКУЛ КАБАР!
21-Январь, 2022 жума, Бишкек убактысы 02:19

Башкы прокуратура Конгантиевдин ишинин кыскарышын иликтей баштады


Молдомуса Конгантиев.

Башкы прокуратура президенттин тапшырмасы менен мурдагы ички иштер министри Молдомуса Конгантиевге козголгон кылмыш ишин Улуттук коопсуздук боюнча мамлекеттик комитеттен (УКМК) өзүнө өткөрүп алды. Бул тууралуу башкы көзөмөл мекемеси кабарлады.

“Молдомуса Конгантиевге Кылмыш-жаза кодексинин 305-316-беренелери ("Кызматтык ыйгарым укуктарынан аша чабуу", "Шалаакылык") менен 2010-жылы козголгон кылмыш иши учурда изилденип жатат. Иш боюнча кабыл алынган чечимдин мыйзамдуулугуна жана негиздүүлүгүнө изилдөөдөн кийин тиешелүү баа берилет”,-деп айтылат Башкы прокуратуранын билдирүүсүндө.

Президент Сооронбай Жээнбеков Башкы прокуратурага мурдагы ички иштер министри Молдомуса Конгантиевдин кылмыш ишин иликтеп, анын жыйынтыгына укуктук баа берүүнү 12-июлда тапшырган. Анын алдында Конгантиевге козголгон иш “кылмыш аракети жок” деген жүйө менен кыскарып кеткени ачыкка чыккан. Кийинчерээк муну УКМК да ырастаган.

2010-жылдагы апрель окуяларындагы аракеттерине байланыштуу Конгантиевге козголгон кылмыш ишинин кыскарышын экс-башкы прокурор Азимбек Бекназаров менен экс-президент Роза Отунбаева айыптап чыгышкан.

Башкы прокуратура ал кезде Конгантиевге 2010-жылы “6-апрелдеги басма сөз жыйынында сүйлөгөн сөзү менен 7-апрелде Таласта элге курал колдонулушуна себепчи болгон" деген айып таккан. (ErN)

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG