Линктер

шейшемби, 18-декабрь, 2018 Бишкек убактысы 17:49

Британ полициясы уулуу “Новичоктун” калдыгын тапты


Британ полициясы Эймсбери шаарында эки адам ууланган “Новичок” затынын калдыгын тапканын жарыялады. Кичинекей бөтөлкөнүн түбүндө калган калдык жакында уулануудан эсине келбей каза болгон Дон Стержестин үйүндө табылган. Учурда бул калдык Портон-Даун химиялык лабораториясында изилденип жатат.

Лаборатория адистери дал ушул калдык Орусиянын мурдагы тыңчысы Сергей Скрипаль жана кызы Юлиянын ууланышы менен байланышы бар-жогун да аныкташат.

Дон Стержес 30-июнда Солсбери шаарындагы ооруканага эс-учун жоготкон абалда жеткирилген. Ошол эле күнү бир нече сааттан кийин Чарли Роули да ооруканага түшкөн.

Адистер "экөө тең “Новичок” химиялык затынан ууланган" деген тыянак чыгырышкан.

Быйыл мартта Солсбери шаарында мурдагы орус тыңчысы Сергей Скрипаль жана анын кызы Юлия да СССРде жасалган “Новичок” заты менен ууланып, дарыгерлер алардын өмүрүн сактап калышкан.

Сиздин пикир

пикирлерди көрсөт

XS
SM
MD
LG