Экономикалык кылмыштарга каршы күрөш боюнча мамлекеттик кызмат (Финансы полициясы) психикалык жактан оорулуу адамга айдоочулук күбөлүк берүү фактысына байланыштуу кылмыш иши козголгонун маалымдады.
Финполициянын билдиргенине караганда, Чоң-Алай районунун Кызыл-Тоо айылынын тургуну психикалык диспансерде каттоодо турганына карабастан ага “дени сак” деген маалымкат жана ошонун негизинде айдоочунун күбөлүгү берилген.
24-июлда Финансы полициясы чогулткан материалдардын негизинде Чоң-Алай районунун прокуратурасы Кылмыш-жаза кодексинин “Кызмат абалынан кыянаттык менен пайдалануу” жана “Документтерди жасалмалоо” беренелеринин негизинде иш козгоду.
Учурда Финполиция бул сыяктуу фактыларды аныктоо максатында жалпы республика боюнча текшерүү жүргүзүп жатат. (RK)