“Ата Мекен” партиясынын абактан ооруканага которулган лидери Өмүрбек Текебаевдин абалы канааттандырарлык. Бул тууралуу “Азаттыкка” Мирсаид Миррахимов атындагы улуттук кардиология борборунун башкы дарыгери Жамиля Иманакунова билдирди. Анын айтымында, саясатчынын саламаттыгын текшерүү уланып жатат.
Өмүрбек Текебаев Мирсаид Миррахимов атындагы улуттук кардиология борборуна 31-июлда которулганын Жаза аткаруу мамлекеттик кызматы бүгүн, 1-августта кабарлаган.
"Мегаком" чырына байланыштуу коррупция боюнча айыпталып, былтыр февраль айында камалган Өмүрбек Текебаев жаза мөөнөтүн №47 абакта өтөп жаткан. (КЕ/SE)
