Линктер

ЧУКУЛ КАБАР!
7-Март, 2021 жекшемби, Бишкек убактысы 18:58

АКШнын тышкы карызы 21,3 триллион доллардан ашты


Иллюстративдик сүрөт

АКШнын жалпы карызынын көлөмү 21,3 триллион доллардан ашты. Анын ичинде 15,6 триллион доллар өкмөткө тиешелүү, ал эми 5,6 триллион доллар мамлекеттин ички карызы. Бул тууралуу "Америка үнү" кабарлады.

Жакынкы убакытта карызы көбөйгөн АКШ өнөктөштөрү менен "соода согушунун" көлөкөсүндө калышы мүмкүн деп жазат CNBC.

Дональд Трамптын шайлоо алдында берген убадаларынын бири АКШнын мамлекеттик карызын жоюу болчу. Азыркы президент анын экономикалык чаралары бул көйгөйдү чечет деп ынандырып келген, бирок Трамптын президенттик мөөнөтү учурунда мамлекеттик карыз триллион долларга өстү.

Республикачылдар мамлекеттик карыздын көбөйгөндүгү үчүн АКШнын мурдагы президенти Барак Обаманы сындап келишкен. Анын эки президенттик мөөнөтүндө карыздын көлөмү 10,6 триллиондон 19,9 триллион долларга көбөйгөн.

Мамлекеттик карыз менен чогу АКШнын бюджетинин таңкыстыгы да байкалууда. Ушул жылдын февраль айында ал 215 миллиард долларды түзүп, эң жогорку көрсөткүчкө жеткен.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG