Индонезиянын Ломбок аралында 5-августта болгон катуу жер титирөөдөн кеминде 82 адам каза тапты. Күчү 7 баллга жеткен зилзаладан ондогон кишилер жарадар болуп, имараттар кыйраганын, электр энергиясы өчкөнүн ВВС кабарлады.
Бир жума мурун да Ломбок аралында жер титирөөдөн 16дан ашык кишинин өмүрү кыйылган.
Ломбок - туристтер үчүн популярдуу жер. АКШнын Геология кызматы жекшембидеги силкинүүнүн очогу бул аралдын түндүк жээктеринен 10 чакырым тереңдикте жайгашканын билдирди. Силкинүү Бали аралында да сезилген.
