Быйыл жети айда Кыргызстанда 2215 өрт кырсыгы катталып, 36 адам каза болду. Бул сан былтыркыга караганда 7,8 пайызга көп.
Өзгөчө кырдаалдар министрлигинин маалыматына караганда, өрттөн 25 адам жабыркаса, өрт өчүргүчтөр 43 адамдын өмүрүн сактап калды.
Тилсиз жоонун негизги себептери катары электр жабдыктарын туура эмес колдонуу, отко абайлабай мамиле кылуу көрсөтүлгөн.
Өрттүн көбүнчөсү үйлөрдөн чыккан.
Аймактар боюнча алып келгенде Чүй облусу жана Бишкек шаарында эң көп өрт катталган.
Буга байланыштуу Өзгөчө кырдаалдар министрлиги жарандарды өрт кырсыктарынын алдын алыш үчүн коопсуздук эрежелерин так сактоого чакырууда. (BkA)
