Кыргызстандыктар Курман айт майрамына байланыштуу төрт күн эс алат. Эс алуу күндөрүн жылдыруу жөнүндө токтомго премьер-министр Мухаммедкалый Абылгазиев кол койду. Ага ылайык, 2018-жылдын 22-сентябрындагы эс алуу күнү 20-августка которулду. Кыргызстандыктар 18-19-20-21-август күндөрү эс алмай болду.
Мусулмандардын Курман айт майрамы 21-августта белгилене турганын Муфтияттын басма сөз кызматы кабарлаган. Айт намазы эски аянтта окулат.
Курман айт - мусулман коомчулугунун ири майрамы. Аны белгилөө күнү айдын чыгышына карап аныкталат.
Кыргызстанда калктын 80 пайыздан көбүн мусулмандар түзөт. (КЕ)
