Бишкекте “Альянс курулуш” курулуш компаниясынын жетекчиси Максим Альянов кармалды.
Бул тууралуу Бишкек шаардык милициясы кабарлады. Андан алынган маалыматка ылайык, Альяновдун үстүнөн алдамчылык фактысы боюнча арыз түшүп, кылмыш иши козголгон. Буга чейин Максим Альяновдун компаниясы көп кабаттуу үй куруу убадасы менен акча алып, курулушту бүткөрбөй жатканын айтып чыгышкан эле.
14-августта кармалган Альяновдун бөгөт чарасы бүгүн каралары күтүлүүдө. (BkA)
