Линктер

ЧУКУЛ КАБАР!
19-Март, 2024-жыл, шейшемби, Бишкек убактысы 10:53

Айсулуу Тыныбекова Азия оюндарында күмүш медалга ээ болду


Айсулуу Тыныбекова (сүрөттө көк кийимчен) монголиялык балбан Орхон Пуревдорж менен алтын байге үчүн күрөшүп жаткан учур.
Айсулуу Тыныбекова (сүрөттө көк кийимчен) монголиялык балбан Орхон Пуревдорж менен алтын байге үчүн күрөшүп жаткан учур.

Кыргызстандык спортчу Айсулуу Тыныбекова Индонезияда өтүп жаткан Азия оюндарында кыз-келиндер арасындагы күрөштөн күмүш медалга ээ болду. Ал 62 килограммга чейинки салмакта алтын медал үчүн монголиялык балбан кыз Орхон Пуревдорж менен күч сынашып, 11:0 эсебинде утулуп калды.

Жарым финалда Тыныбекова индиялык атаандашы Малик Сакшини (Malik Sakshi) 8:7 эсеби менен утуп чыккан эле.

Айсулуу Тыныбекова Орхон Пуревдорж менен 2016-жылы Астанада өткөн Олимпиадага тандоо мелдешинде күрөшүп, жеңишке жетишкен.

Тыныбекованын медалы быйылкы Азия оюндарындагы Кыргызстандын капчыгына түшкөн экинчи күмүш байге болду.

20-августта кыргызстандык балбан Магомед Мусаев Кыргызстандын эсебине алгачкы байгени алып келген. Ал эркин күрөш боюнча 97 килограммга чейинки салмакта күч сынашып, күмүш байгеге ээ болгон.

18-августта башталган Жайкы Азия оюндары 2-сентябрга чейин уланат. Ага Кыргызстандан жалпы жонунан 150 спортчу катышып жатат. XVIII Азия оюндарынын программасында спорттун 40 түрү бар. Кыргыз спортчулары спорттун 28 түрү боюнча күчтөрүн сынайт.

XS
SM
MD
LG