Дээрлик бир аптадан бери жабык турган кыргыз-кытай чек арасындагы “Торугарт-автожол” жана “Эркечтам-автожол” өткөрүү пункттары 27-августтан тартып кайрадан кадимки тартипте иштей баштады. Бул тууралуу Кыргызстандын Мамлекеттик чек ара кызматы кабарлады.
Чек ара Кыргызстандагы Курман айт майрамына байланыштуу Кытай тараптын өтүнүчү менен 22-августтан 26-августка чейин убактылуу жабылган.
Курман айт майрамы быйыл Кыргызстанда 21-августта белгиленди. (ErN)