Линктер

ЧУКУЛ КАБАР!
1-Март, 2021 дүйшөмбү, Бишкек убактысы 02:20

Бишкек мэриясынын өкүлдөрү жарандык активисттер менен жолугушту


Бишкектин мэриясы.

Бүгүн, 28-августта айрым жарандык активисттер мэриянын жетекчилиги менен эркин форматта жолушту. Кездешүүгө катышкан активисттердин бири Мавлян Аскарбеков мэриянын карамагында коомдук кеңеш түзүүнү сунуш кылды. Анын айтымында, коомдук кеңештин курамына активисттер кирип, шаардагы кемчиликтер, мыйзам бузуу фактылары боюнча маалымат берип турушса туура болмок.

Бишкек мэриясынын аппарат жетекчиси Балбак Түлөбаев коомдук кеңеш түзүү боюнча сунушка юристтер менен кеңешкенден кийин жооп берилээрин маалымдады. Иш-чарада мэр Азиз Суракматов менен жарандык активисттердин жолугушуусу сентябрдын аягына пландалып жатканы маалым болду.

Жалпы жолунан жолугушууга он чакты жарандык активист катышып, алар негизинен мыйзамсыз курулуштар, тазалык, жер маселелерин көтөрүштү. Мэриянын өкүлдөрү айтылган сын-пикирлер боюнча текшерүү жүргүзүлөрүн айтышты. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG